ساعات اضحك من قسى الوقت وابكي

سلام بنات اليوم قصتنى حلوه
وتستحق القراءه
انشاالله تعجبكم




part 1
_______________________________




حبيبي بظل على خبرك بكل ليله انتظرك ..
واصحى والملم حلمي وجروحي واسمع انا نوحي ..
واداري دمعه سكنت عيني .. واسئل شباقي لي وشلي من احساسي ..
شبسوي بزمن ناسي وكان لي قاسي ..
انا لو اعرف النسيان ما كان ذا حالي ..
كل شي جفاني وهالزمن ما وفى لي ..
بعدك يخنق لي انفاسي ..
انت من يشيل همي تمر علي لحظات اتمنى تكون يمي ..
تسئل عن ضحكاتي وبسماتي ؟؟!
ياروحي ضحكتني ابشرك انعدمت واندفنت بسبه آهاتي !!
ياللي خذيت روحي وعمري مني شوف حبك شمسوي ؟
شوفه شلون شقاني وخلاني اعاني ..


يا زمن العجايب علمني اصحى بلياهم ..
اهما اللي حبهم ما تغيره الايام ..
اهما اللي تهت بهواهم ..
بسئلك يهون عليك بعادي ؟
بعدك ضعت لحالي ..
وله ابي من يكون مكانك او يعوض لي بدالك ..
وعدتك وله ابي ابيع الوعد هذا برقبتي عهد ..
انت الحب الاول واصعب حب وانت الحبيب الاخير ومالك مثيل ..


آآه مات الاحساس فيني تجرح وتغلط للاسف ما عدت ابالي ..!

حبيبي بعطيك عهد باسم العشره والحب لاخونك بكل لحظه مع طيفك ..
هويتك وما اقدر ارخص بذيج الايام وباجمل اللحظات ..
عمري ابتدا وياك وبينتهي بيوم فرقاك ..
انا تعبت من نفسي وتعبت اشكي ..
كل يوم انا غلطان مليت انا الاعذار ..
تعبت هالحال ومل قلبي ومليت هالاحزان ..
اليوم انا راجع بعد غياب مثل ما كنت بالاول ..
صار للصمت عندي مقدار ومعزه ..
ودمع عيني ما جفاني ..
اسرح بالماضي واتحسر وين زماني ..
صرت روح والتعب هد لي حيلي ..
وخذيت قراري انا للماضي ولهان ..
قسى الوقت وخلاني اغير كل علاماتي ..
صرت اليوم ندمان وبشوقي عطشان لشخصي اللي كان ..
انا للماضي راجع وعن دربي متراجع وبترك كل الاحزان ..

*******************

قصتنا تخص حياة بطلتنا ميار
ميار هاديه حبوبه ..
تستحي حيل ..
قلبها ابيض حلوه وعلى نياتها
ميار وحيده اهلها ..
شاطره بدراستها ..
فيها شطانه شوي بس على هدوء ..
ما تتكلم الا بالوقت اللي لازم تتكلم فيه وما تحب تتدخل بأي سالفه ..
فيها غموض بس صريحه وواقعيه ..
بيضه يقولون عنها طويله ..
عندها غمازتين بس غمازتها اللي على الخد الايمن ابرز من الايسر ..
شعرها اطول من جتفها بشوي ..
ابتسامتها تجذب ليه ضحكت مع ان ضروسها صغيره ومو مرتبه حيل بس بابتسامتها شي غريب ..
ناس قالو ضرسها الصغير اللي ع جنب معطيها شكل نفس الغمازه يعني شي يميز ابتسامتها مع انها كانت متعقده من هالضرس لان حجمه صغيرمثل الضرس اللبني ..
لا هي متينه وله ضعيفه جسمها حلو ومتوسط ..
تحب اللبس وتشيل اللبس لو تلبس خيشه وتحب تنوع ..
تحب الالوان وتحب ترقع قطعه فوق قطعه بس يطلع شكلها حلو ليش انها شاطره بالازياء ورسامه يعني تعرف تدمج الالوان ..
تكتب خواطرها متى ما طرى لها تكتب ..
حساسه ودمعتها قريبه .. بس .. قلبها ابيض وبسرعه تنسى

****************
( ميار وجاسم )
جاسم ولد خاله ميار
شاب حنطاوي البشره ..
طويل القامه ..
يلبس نظاره طبيه بيضه من ارماني ..
جسمه رياضي وخشمه عنونو يعني شاب وسيم بس مو داش راس البنت
تدرون الشكل مو كل شي
جسوم شيطان يعني مراهق بمعنى الكلمه عنده سوالف وشطانه شباب هالوقت
بينهم سنتين

****************
بدا الموضوع بيوم من الايام
كانت ميار قاعده بالبيت تدرس عربي
دز لها مسج .. ( u ll be my victim !!
بتكونين ضحيتي !!
ميار طبعا انصدمت يوم قرت هالمسج
وخذتها ع نيه ليش كانت مستبعده يكون بينهم شي او انه يحبها
فردت عليه : شكوووووو !!
دز لها uoy evol I فسريها وردي علي ..؟
استغربت !! ودزت لرفيجتها هالمسج اللي دزه عشان اذا فهمته تقول لها معناه
وردت عليها رفيجتها مريم
مريم : الووووو ..
ميار : ( فبرود ) هلا مريوم
مريم : منو داز لج المسج !!! ردي بسرعه ترى قلبي بيوقف
ميار : ( فبرود اكثر ) ليش بعد ؟
مريم : قولي منو واقولج ليش
ميار: جسوم ولد خالتي .. ليش ..؟
مريم : تدرين شنو المسج ..؟ I love u بس بالمقلوب
ميار : !!!!!!!!!!
مريم : ميووووور
ميار : مريم اكلمج بعدين هذا الظاهر استخف صح !؟؟
مريم : مادري شوفي شيصير وياج وانا اكلمج بعدين يلا باي
ميار : باي
وحست قلبها بيوقف انصدمت وبجت
شلون اللي تعتبره اقرب شخص لها من شباب العايله وفرندها حيل وحسبه اخوها يطلع يحبها !!
شتسوي شتسوي
لا شعوري مسكت فونها ودزت له مسج اكتبت له حجي وايد كل اللي طرى فبالها لحظتها مسج شطووله ودزته
وقعد يدق ويدق ويدق واهيا حااقره
ويدق ويدق
ميار : الوو جاسم لا تدق طحنت قلبي بالحنه
جاسم : ميار لحظه سمعيني
ميار : شسمع ؟ انت خليت شي ؟؟
جاسم : انتي صدمتيني !
ميار : صدمتك ؟؟؟؟ ليش انت كنت متوقع رده فعلي غير عن جذي ؟
جاسم : اي ميور توقعتج تبادليني نفس الشعور
ميار : جاسم ليش تفسرون الصداقه شي ثاني انا اذا اهتميت وصارحتك ونصحتك وعصبت ليه غلطت مو معناته تفسر هالشي حب
انا احبك بس مثل اخوي لا اكثر وله اقل سامحني بس هذا الصج
وانت ما احترمت اللي بينا نهيت كل شي بلحظه جاسم هالشي بالذات المفروض ما تفكر فيه وله تسمح له يصير
وسكرت الفون


يمكن كانت قاسيه صح
بس وقتها شعورها كان صعب حست انها فقدت اخوها وحست بالنار شبت بقلبها

وظل جاسم يحاول ويبين لها حبه
وجدام الكل لما الكل عرف بهالشي
اخته حست وشافت فونه ولقت مسجاته لميار مو ممسوحه وعرفت الموضوع كله
واجهت ميار ولا شعوري ما مسكت نفسها وبجت هالشي كان يحرقها اهيا تعز جااسم بس ما تبي تخسره واهوا بجذي خلاها مجبوره تخسره وتهدم كل علاقتهم
ميار طول عمرها حساسه ودمعتها قريبه

جنى اخت جاسم اهياا اللي اكتشفت الموضوع وشافت المسجات وكلمت ميار

جنى :ميار تعالي شوي بكلمج
ميار : يلا اوكي الحين لاحقتج
ونزلو السرداب وقعدو ع طاوله الطعام اللي تحت
جنى : ميور انتي عاقله وانا اعرفج عدل

ميار : شصاير !
جنى : انتي بينج وبين جسوم شي ؟
ميار : انتي دريتي ؟
جنى : شفت المسجات وابي اتاكد
ميار: لا جنى مابينا شي بس اخوج وضح لي شي ما كنت فاهمته وليتني ما فهمته .. اخوج يحبني وانا ما كنت ابي هالشي يصير !!
جنى : يعني تبين تفهميني انج ما تدرين وله حاسه بهالشي من قبل ؟
ميار : طول عمري اسمع منكم بس كنت انكر واساسا ما شفت هالشي لاني اعتبره واشوفه اخوي وحسبت تفكيره نفس تفكيري
جنى : جسوم من صغره وياج
ميار : ليش انا ما حبيته ؟ لاني حاطه فبالي ان احنا رابين مع بعض واحنا اخوان وبس ومابي هالشي يزيد واحترمت هالشغله ( وبجت )
جنى : ميوووور لا تبجين
شوفي انا عرفت ان يحبج يوم لقيت فونه مافيه غير مسجات لج انتي وبس
ميار : جيووون ليش قاعده تكلميني جذي سوري انا ادري انه اخوج بس ماقدر احبه ولا تطلبون مني هالشي
جنى : لالا مياار والله ما اقصد انا مو قاعده اصور جاسم بصوره عشان تحبينه وله قاعده اعرض عليج هالشي بس كنت بوضح لج ان هالشي من زمان بس انتي ما لاحظتي
ميار : سوري جنى بس انا اعرف جسوم يمكن اكثر منكم وانتي تدرين بهالشي وشي بداخلي مو مصدق هالسالفه
جنى : مادري شقولج ميار انا وياج انتو ما تصلحون لبعض واصلا خالاتي ماراح يرضون اثنين من العايله يتزوجون يعني لو حبيتو ماراح يفيد
ميار : ادري وهالشي ماراح يصير جان زين اخوج يفهم ويعذرني
صعب تحبين اخو



ميار عنيده ووايد شافوها مغروره ( من الشباب )
ليش ما تعطي ويه سموها مغروره
طول عمرها ما رضت بأي احد
حبوها وايد وشباب العايله اللي بعمرها وايد وجنه ماكو غيرها
الكل يقول انها حلوه ونعومه وواثقه من روحها
يحبها واحد من صغرهم اسمه ناصر ويصير ولد عم ولد خالتها ويحبها ولد خاله امها وولد خال امها .......... الخ
محاولات لاكتساب قلبها بس ما كانت تعطي ويه وطول عمرها ما رضت تاخذ رقم اي واحد
وكانت دايما تقول توالناس ع الحب انا مابي احب اي شي شنو احب ليش مينونه !

جنى يومها راحت قالت لامها الموضوع
جنى : يمه جسوم يحب ميار
الخاله : ههههههههههههههههههه
ميار عاد !! اهيا وين واهوا وين اخوج عكس البنت تماما
مسكينه وين تحبه اخوج طايش والبنت عاجل
جنى : يمه شفيج تضحكين !
الخاله : اهما مراهقين باجر يعقلون
جنى : يمه هذا اخطر عمر بعدين ميار ما تحبه تعتبره اخو وبس
الخاله : خلاص انا اكلم جويسم وبقول لخالتج ( ام ميار ..


ودقت الخاله على اختها وقالت لها الموضوع
وبعدها كلمت ولدها
ومن يومها الكل كان ياخذ هالموضوع على غشمره

part 2

________________


عدا اسبوع وتحديدا بيوم زواره العايله
وصلت ميار وشافت جاسم قاعد ولاول مره ما يسلم عليها
سلمت عليه وما رد عليها
صد عنها !!

بعد جم يوم ..
انخطبت اخته الكبيره ( جنان )
وبدو يجهزون لها .. جنى ( الاخت ) .. امه .. وام ميار
اما ميار ماراحت وياهم قعدت تنطرهم فبيت الخاله كانت قاعده مع عمها ابو جاسم وجاسم معاهم
وعمها هذا يعزها حيييل لدرجه انها تعتبره ابوها الثاني كان حنون عليها وايد
بذاك اليوم كان شاري لجسوم جيتار يديد وبس شاف ميار زايرتهم قال لها شوفي الجيتار اللي شريته لجاسم عشان باخذ لج مثله ..<< مع انها ما تعزف
ميار : لا عمي تسلم ماله داعي والله اصلا ما اعرف له
العم : انا قلت باخذ لج واحد يعني باخذ لج شوفيه وان ما عجبج باخذج وياي تشوفين لج غيره واذا ما تعرفين هذي سهله تتعلمين
يلا جاسم نزله عشان تشوفه
جاسم : لا يبا انا مركبه بوايراته
انا اقول لو اهيا تصعد تشوفه مالي خلق اشلع هالوايرات سنه على ما ركبتهم
ميار : خلاص عيل اصعد وياه وننزل لك عمي ..>> مسكينه ما درت باللي بيصير
جاسم : يلا ميار تعالي
..>> ميار قلبها طيب حيل وتنسى بسرعه
قبل جم اسبوع حست انها انطعنت منه واليوم نست وكلمته عادي

صعدو فوق
ميار : جاسم وين ؟
جاسم : بداري
فتح الباب
دشت ميار وهذي ما كانت اول مره تصعد داره كان طبيعي الوضع هذا حسبه اخوها وطول عمرها معاه تلعب وياه من صغرهم
اخوها وربت معاه وتعودت تكون عندهم بالبيت مو يديده تكون بداره بس كل مره الباب يكون مفتوووح طبعاا وما يكون البيت فاضي

ميار : ياعيني ياعيني يهبل ماشالله
عليك بالعافيه جسووم
جاسم : اي شفتيه ! الله يعافيج
جاسم قرب منها
جاسم : ميوور تعالي البسج الجيتار
..>> تخيلو وقفته لو كان بيلبسها بيكون كأنه حاضنها
ميار : نعم !! جاسم مشكور وخر عني !
التفتت على الباب لقته مقفووول
والمفتاح على الكوميدينا
مسك ايدها ولفها صوبه
ميار : جاسم وخر عني وهد ايدي !!
ترى انت ما عرفتني عدل جاسم انت عارف غلاتي عند ابوك والله كلمه وحده بتوديك بداهيه
ولا تقلل من قيمه نفسك ونظرتي لك
لا تحسسني انك وله شي ولا تصغر من نفسك اكثر من جذي
جاسم : مياااااار !
ميار: اعتقد سمعتني
وخر عني زين !!
دزته وخذت المفتاح بكل برود وافتحت الباب
شخصيتها قويه توقعها اضعف من جذي
واهيا شافت ضعفه جدامها ظل واقف وله قدر يسوي لها شي
عرفت نيته لان هذي ما كانت اول مره يحاول يتقرب منها

مشت عنه واهيا تنزل الدري ناداها
جاسم : ميار !
ميار : نعم !! شتبي !!
جاسم : انا اسف
ميار : ( ابتسمت ومسكت الضحكه ) خايف اتحجى واقول عن اللي صار .. صح ..?
جاسم : لا شكو
ميار : اهاا
تبي تفهمني اني لو تكلمت عن اللي صار ما راح تفرق وياك ..?! خلاص عيل شرايك لو اروح واقول للكل ..?
جاسم : ميار لا تقولين لاحد
ميار : لا تخاف ماراح اقول مو عشان شي بس عشان ابوك
مابيه ينصدم فيك وبحافظ على صورتك جدامهم ولك وعد مني محد بيعرف واشوف هالموضوع يتكرر والله ان تكرر ماراح اسكت
انا اذا سكت اليوم بكيفي وبمزاجي مو ضعف مني
جاسم : ادري .. انزين ميار بفهم شغله وحده ليش قلتي للكل عن اللي صار واني احبج !
ميار : نعم ! انا ما قلت الا لاختك واساسا اختك يوم كلمتني كانت عارفه كل شي من مسجاتك انا بس ناقشت الموضوع وياها واهيا اللي افتحته
جاسم مو انا اللي اتكلم واقعد اطلع بلاوي وانت عارفني عدل مو انا اللي اخرب سمعه شخص والدليل هالسالفه اللي صارت توها ولا تعتقد انها شوي
باختصار انت الحين صرت كبر النمله جدامي .. والحين امش وياي تحت عند ابوك عشان ما يحس بشي ولا تخاف بضحك وياك وبممثل جدامه عشان ما يحس ان فيني شي
ابوك يعرفني عدل ومن حسن حظك لو ما حس

جاسم خبيث ونظرته لها شينه كذا مره حاول معاها بعد ما اعترف بحبه وحاول يعتدي عليها حتى باللفظ وليه واجهته يسوي روحه محترم وبريء وما يقصد وترد ميار تسكت وتغطي عليه عشان ما يصغر بعين الكل حافظت على صورته ووفت بوعدها مع انها كانت بتنضر منه